Den Daachverband vun de Kooperatiouns-ONGDen zu Lëtzebuerg ass de Cercle de Coopération des ONGD du Luxembourg, deen eng ronn 90 Memberen huet. De Konterbont huet der aacht erausgesicht, kuerz virgestallt an hire Budget opgeschlësselt, entweeder de Joresbudget oder dee vun engem bestëmmte Projet, fir ze weisen, wéi dëse sech zesummesetzt.* Well des ONGDen alleguer mam Ausseministère (MAEE) konventionéiert sinn, ass e bestëmmten Undeel vum Budget eng Ko‑Finanzéierung vum MAEE. De Rescht setzt sech meeschtens aus Spenden, aneren Donen oder dem Verkaf vu Produiten a Servicer zesummen. Eng Iwwersiicht.
*Aus Grënn vun enger besserer Visibilitéit rënne mir d’Prozent- an d’Budgetzuelen op respektiv of.
1995 huet e Grupp vun 13 Leit de Veräin „Les Amis du Tibet“ gegrënnt. Säit 1996 ass d’Associatioun vum lëtzebuergeschen Ausseministère als ONG unerkannt. Si huet sech als Zil gesat, d’tibeetescht Vollek ze ënnerstëtzen an d’Ëffentlechkeet zu Lëtzebuerg fir de Sujet vum Tibet ze sensibiliséieren. Fir hiert 10-järegt Jubiläum huet d’ONG am Joer 2005 den Dalai Lama op Lëtzebuerg invitéiert. Mëttlerweil huet d’Associatioun 42 Projeten a bal 300 Memberen.
am tibeetesche Kannerduerf zu Dharamasala an Indien (2023)
de Projet dauert 2 Joer
60 % Ko-Finanzéierung vum MAEE: 145.356 Euro
30 % finanzéiert d’ONG: 72.678 Euro
10 % komme vu lokale Partner: 24.226 Euro
De Service Cooperation ASBL ass zënter 1959 aktiv an domadder eng vun den éischten Associatiounen, déi sech am ländlechen Afrika fir eng Verbesserung vun de Liewenskonditiounen agesat huet. De Fokus läit op der Landwirtschaft a Véizuucht souwéi op der Educatioun. Als Zillänner gëllen aktuell virun allem de Burkina Faso an d’Demokratesch Republik Kongo.
technesch a berufflech Schoulbildung fir Jugendlecher a jonk Erwuessener am ländleche Raum
September 2021 bis August 2024
80 % Ko-Finanzéierung vum MAEE: 899.200 Euro
20 % Finanzéierung duerch Spende vun der ONG: 224.800 Euro
D’Fondation Follereau ass 1966 op Initiativ vum Raoul Follereau gegrënnt ginn an ass eng lëtzebuergesch entwécklungsorientéiert ONG, déi sech fir d’Verbesserung vun de Liewensbedéngungen an deenen äermsten afrikanesche Länner asetzt. De Fokus läit virun allem op de Beräicher Gesondheet, Bildung, Nouthëllef a Protektioun vu Mënscherechter.
66 % Ko-Finanzéierung vum MAEE: 2.968.824 Euro
34 % Spenden an aner Donen: 1.529.394 Euro
Déi 1992 gegrënnten ONG mat Sëtz zu Lëtzebuerg schafft enk mat engem internationalen Netzwierk vun ONG-Partner zesummen. D’AMU féiert Projeten an de Beräicher Landwirtschaft an Ëmwelt, Energie, Waasser an Ofwaasser, Weiderbildung, Gesondheet a Gläichstellung duerch. D’ONG ass och eng Plattform fir Jonker, déi sech fräiwëlleg fir Projeten engagéieren. D’Zil ass et, eng Zesummenaarbecht mat lokalen Organisatiounen ze schafen an dës ze responsabiliséieren.
am Nordoste vu Brasilien (Recife) fir méi eng ekologesch Landwirtschaft a Véizuucht
2018-2021
74 % Ko-Finanzéierung vum MAEE: 232.766 Euro
26 % Bäitrag vun der ONG: 81.782 Euro
D’ONG ass 1989 gegrënnt ginn. Vun Ufank un huet d’ONG virun allem Projeten zu Gonschte vun der Bevëlkerung ronderëm d’Spidol St. Gabriel zu Namitete ënnerstëtzt. Duerno huet d’ONG hir Ënnerstëtzung och op aner Beräicher erweidert, wéi ënner anerem d’Kanner- a Fraerechter, de Naturschutz oder d’Mikrofinanz.
fir d'Awunner vun Chinyata aus der Regioun Walirangi am Distrikt Namitete
- Accès zu propperem Waasser
- Formatioune vun 1.005 Persounen an de Beräicher Landwirtschaft a Véizuucht
- Educatioun: ënner anerem 12 Klassesäll a 6 Haiser fir Enseignantë souwéi 24 Toiletten
2008-2013
67 % Ko-Finanzéierung vum MAEE: 193.296 Euro
33 % Bäitrag vun der ONG: 95.205 Euro
Säit 1974 ass d’ONG SOS Villages d’Enfants Monde vu Lëtzebuerg aus aktiv a setzt sech fir d’Wuelbefannen, d’Entwécklung an d’Rechter vun de Kanner op der ganzer Welt an. Am Zentrum vum Engagement steet d’Konstruktioun vu Kannerdierfer, fir Weesekanner e séchere Kader ze bidden. Zum Optrag vun der ONG gehéiert och d’gesellschaftlech Sensibiliséierung. D’ONG steet ënner dem Schierm vun der Groussherzogin Maria Teresa.
38 % Ko-Finanzéierung vum MAEE:
3.022.001 Euro
38 % Privat- a Firmendonen: 3.022.001 Euro
15 % Testamentsspenden: 1.192.895 Euro
9 % anert Akommes a Verkaf vu Produiten: 715.737 Euro
D’ASTM gouf 1969 gegrënnt. Si engagéiert sech, fir d’Liewenskonditioune vun den Äermsten ze verbesseren. De Fokus läit op der politescher, ekonomescher, sozialer a kultureller Emanzipatioun vun den Entwécklungslänner. Gläichzäiteg beméit sech d’ONG ëm eng selbstkritesch Analys vun der westlecher Welt an hire Muechtzentren.
85 % Ko-Finanzéierung vu verschidde Ministèren: 3.065.825 Euro
15 % Donen a Privatzouschëss: 541.028 Euro
Terre des Hommes Luxembourg (TdHL) ASBL ass am Joer 1966 gegrënnt ginn. Den Agrement vum Ausseministère huet d’ONG 2010 kritt. Den Haaptfokus leet TdHL op d’Verbesserung vum Schicksal vun de Kanner. D’Ënnerstëtzung kënnt virun allem Kanner, Jugendlechen a Jonken a prekäre Situatiounen zegutt.
vun den Awunner vum Aarmevéierel Bella Vista Oeste (Provënz Santa Fe) an der Stad Rosario an Argentinien
Dezember 2023 bis November 2026
60 % Ko-Finanzéierung vum MAEE: 395.663 Euro
27 % Undeel vun der ONG: 178.048 Euro
13 % Undeel vu lokale Partner: 85.727 Euro