Schaarft Iessen hëtzt a fërdert d’Verdauung

4 schaarf Dippen fir op d'Kuuscht

Schaarft Iessen huet eng Rei vu Virdeeler. Bei kalen Temperaturen hëtzt et de Kierper, ënnerstëtzt d’Verdauung a ganz niewebäi mécht et glécklech a gesond. Schaarfes muss awer net nëmme mëttes op den Teller!

Fir op d’Kuuscht, bei e wéineg kleng geschniddent Geméis oder fir de Filmowend mat Nachos, hei fënns du e puer Rezepter fir schaarf Dippen:

Adjika – eng georgesch Paprikapast

Du brauchs (fir 1 Portioun)

500 Gramm rout Spatzpaprika
500 Gramm Tomaten
500 Gramm Ënnen
500 Gramm Muerten
100 Milliliter Ueleg
1 Knuewelekszéif
100 Milliliter Esseg
3 Téiläffele Salz
2 Zoppeläffelen Zocker
2 Pimenten
1 Lorberblat
5 zerstousse Pefferkären
3 zerstousse Pimenten

D’Geméis botzen a mat enger klenger Portioun Piment an der Kichemaschinn kleng maachen.

D’Geméis an engem grousse Kachdëppe mam Ueleg an de Gewierzer eng Stonn dëmpe loossen. Heiansdo réieren net vergiessen!

D’Zooss nach eng Kéier schmaachen, jee no Geschmaach nowierzen an d’Lorberblat eraushuelen.

Déi nach waarm Adjika-Zooss gëtt a steril Gebeessglieser gefëllt. Duerno d’Glieser op d’Kopp stellen an zoudecken. Iwwer Nuecht ofkille loossen. D’Zooss hält sech bis zu engem Joer.

Kamäinfeier-Dip – Schaarfen Tomate-Paprika-Dip

1 Ënn
1 hallwen Téiläffel Olivenueleg
1 1/2 Fleeschtomaten
1 hallef rout Paprika
1 hallwe roude Piment (oder Piment-Pudder)
Salz
Peffer
Paprika-Pudder
1 hallef Zéif Knuewelek

Mat Salz a Peffer, Cayenne-Peffer, Tomate-Salz an zirka dräi bis véier Zoppeläffele Basilikum ofschmaachen.

All d’Ingredienten an der Kichemaschinn püréieren an derno nach e puer kleng Tomatestécker drënnerhiewen.

Jalapeño-Kéis-Dip

450 Gramm Wäisse Kéis
200 Gramm gerappte Parmesan
250 Milliliter Mayonnaise
3 a Réng geschnidde Jalapeño ouni Kären
2 gréng a Réng geschnidde Pimenten, de Som ewechmaachen

D’Jalapeñoen an d’Pimenten an en Dëppe mat e bësse waarmem Waasser maachen an zirka fënnef Minutte lues kache loossen. Duerno d’Waasser ofschëdden an d’Dëppen op d’Säit stellen.

D’Mayonnaise mam Wäisse Kéis an enger grousser Schossel vermëschen, duerno de Parmesan bei d’Jalapeñoen dobäimaachen an d’Dëppen op der Kachplack bei mëttlerer Hëtzt waarm maachen. Duerno ofkille loossen a mam Rescht vun den Ingrediente vermëschen.

Schaarfen Tomate-Basilikum-Dip

70 Gramm kleng geschnidde gedréchent Tomaten
30 Gramm kleng gehackten Hackernëss/déck Nëss
45 Gramm gerappte Parmesan
100 Gramm Wäisse Kéis
3 Zoppeläffelen Olivenueleg
2 rout Pimenten
1 Zéif Knuewelek
1 Zoppeläffel Ajvar
1 décken Téiläffel rout Currypast

Mat Salz a Peffer, Cayenne-Peffer, Tomate-Salz an zirka dräi bis véier Zoppeläffele Basilikum ofschmaachen.

All d’Ingredienten an der Kichemaschinn püréieren an derno nach e puer kleng Tomatestécker drënnerhiewen.