2007
Lëtzebuerger Kartmeeschter (Minimen)
Menu
Menu
Menu
Ech hunn ugefaangen, wéi ech véier Joer al war. Deemools huet mäi Papp mech op d’Karting-Streck matgeholl, wou hie mat senge Kolleege gefuer ass. Dat war zu Monnerech an nach mat engem Locatiounskart, deen hunn ech haut nach doheem stoen. Mir si quasi all Sonndeg fuere gaangen a mat siwe krut ech du mäin éischten eegene Kart. Dräi Joer drop, den 10. Juni, sinn ech du meng alleréischt Course zu Mirecourt a Frankräich gefuer. Dat wäert ech ni vergiessen, well et genee op mengem zéngte Gebuertsdag war.
Genee. Mat 15 sinn ech an d’belsch Meeschterschafte gewiesselt, do, wou och de Max Verstappen matgefuer ass. Am Ufank war et immens schwéier fir mech fir matzehalen, mee wéi ech bis dat richtegt Material hat, konnt ech Fouss faassen. Mat 16 koum dunn de Sprong vum Karting eriwwer an de GT-Sport. Ech sinn am VW Golf Cup ënner anerem a Polen an a Slowenie matgefuer an am zweete Joer direkt Zweete ginn. Dat war deemools e richtegen Challenge, well den Niveau e ganz anere war wéi virdrun. Et war méi Stress, mee manner Training an eigentlech wollt ech fir d’éischt emol am Benelux-Beräich ufänken, fir dann an de Supercup eranzekommen, mee dat war sponsorméisseg net machbar.
An der Preparatioun vun der éischter Course sinn ech als Aachten erausgehäit ginn, wat guer net emol sou schlecht war. Ech duecht mir, ech géif et einfach probéieren. Do sinn ech am Fong och a Kontakt mat mengem haitegen Teamleader komm a bei Porsche agestigen. 2016 war dunn dat éischt Joer, wou ech e ganze Championnat matgefuer sinn.
Et ass eng Sportaart, wou s de all d’Emotiounen dran hues an déi immens villsäiteg ass. Wärend dem Fueren tests de, wéi schnell däin Auto geet, spiers seng an deng Limitten. An et ass natierlech immens vill Adrenalin am Spill. Plus ass eng immens familiär Ambiance am Team. Ech verbrénge bal méi Zäit mat hinne wéi mat menger eegener Famill.
Mäi gréissten Erfolleg gesinn ech perséinlech a menger Entwécklung. Et ass vill geschitt ufangs dës Joers, ech war vun der leschter Saison an enger zimmlecher Down-Phas an hunn et awer hikritt, dat Ganzt ze dréinen. Zu Spa hat ech d’Pole Position an hu finalement gewonnen. Do ware vill Sponsoren do, wat natierlech vill wäert ass, a Spa ze gewannen, ass ongeféier, wéi wann s de um Nürburgring gewënns, dat ass schonn eppes Grousses.
U sech all Fuerer, dee viru mir ass, ass mäi Konkurrent. Mee sech selwer ze besigen, dat ass dat Schwéierst. Du muss genee wëssen, wéi s de mat dengem Kierper schaffs a wéi s de däin Zoustand esou gereegelt kriss, datt et passt. Dat hëlleft mir awer zum Beispill och a ganz villen Alldagssituatiounen, ech hat dowéinst quasi ni Stress virun engem Examen, well ech geléiert hunn, dat ze managen.
Definitiv. Du hues meeschtens net vill Training a muss eigentlech am Kapp schonn 100 Ronne gefuer sinn an dech zimmlech vill mental op d’Course virbereeden. Dofir schaffen ech och säit dräi Joer mat engem Mental-Coach zesummen. Du muss awer och physesch fit sinn, dofir hunn ech säit engem Joer och e Coach. Et ass eng relativ schwiereg Sportaart, well wat d’Leit oft ënnerschätzen, ass, datt de bei all anerem Sport däi Stress duerch Beweegung ofbaue kanns. Dat geet hei net, du muss dat alles am Kapp bewältegen.
Mäin Idol ass den Ayrton Senna. Wéi ech op d’Welt komm sinn, war deen zwar net méi do, mee mäi Papp huet alles vun him gehalen an ech hu mir seng Saache schonn als klenge Jong ugekuckt. Wat mech un him faszinéiert, ass, wéi konsequent en an deem war, wat e gemaach huet. Dat ass zum Beispill beim Lewis Hamilton d’selwecht, hien huet ëmmer säin Zil genee virun Aen. Ee Saz, deen ech vum Senna immens gär hunn, ass, datt een sech am Liewen ëmmer en Zil setze soll, op dat een dann hischafft, a wann s de bis do bass, da gesäis de, datt de nach vill méi maache kanns. Dat ass esou bësse mäi Liewensmotto.
Si ass um Kommen, mee et brauch een Talent a Suen, well et ass en deiere Sport. Et ginn e puer Jonker, déi net schlecht sinn, mee et ass immens schwiereg konsequent ze bleiwen, a vill komme wéinst dem Finanziellen net weider. Du muss all Dag kucken, fir nei Sponsoren ze fannen, ech hunn der zum Beispill ëm déi 85 Stéck, ouni déi dat Ganzt guer net méiglech wier. An dat méchs de jo dann niewent dengem Training, well et ass en Job wéi all aneren och. Ech üben all Dag véier bis fënnef Stonnen um Simulator plus nach mindestens zwou Stonnen Training dobäi, do geet vill Zäit drop.
Si steet immens hanner mir. Mäi Papp ass e bësse wéi mäi Manager an hëlleft mir vill. Hien ass jo selwer Kartingcourssen am Elsass an an der Lorraine gefuer a mir si fréier vill um Simulator zesumme gefuer. Mäi Pätter ass och an der Zäit gefuer a menger Schwëster hire Pätter och, dat heescht, ech verwierklechen e bëssen hiren Dram an dat ass natierlech fir jiddwereen immens schéin.
Ech géif gären eng Kéier op engem LMP1 (Le-Mans-Protoyp) Hybrid fueren, dat si Course-Autoen, änlech wéi déi bei der Formel 1.
En Artikel vum Laura Tomassini
Lëtzebuerger Kartmeeschter (Minimen)
Lëtzebuerger Kartmeeschter (Kadeten)
Lëtzebuerger Kartmeeschter (KF5)
Lëtzebuerger Kartmeeschter (KF3)
Lëtzebuerger Kartmeeschter (KF2)
Lëtzebuerger Kartmeeschter (KF2)
Éischt Plaz Wanter-Coupe Kerpen (KF2)
Drëtt Plaz an der Euroformula Renault 2.0
Drëtt Course vum Volkswagen Polo Cup India
Drëtt Plaz am Porsche GT3 Cup Challenge Middle East
Drëtt Plazen bäi den Porsche Supercup-Coursë vun Spielberg, Silverstone an Spa (zweet Course)
