Kachrezepter aus der Schoul

Mir stellen dräi kreativ Kachrezepter vir an erklären, wéi een se zoubereet. Ob gereechert Ierbessen-Zopp mat Languste-Schwänz, Fajitas mat vegetareschem Gehacktes, Chillizooss an Avokadoschaum oder Spargelrisotto mat Crevetten, hei kanns du eis Rezepter ganz einfach nokache fir gestäerkt an d’Schoul ze goen.

Ob gereechert Ierbessen-Zopp mat Langusten, vegetaresch Fajitas oder Spargelrisotto mat Crevetten, hei kanns du eis kreativ Kachrezepter nokachen.

Gereechert Ierbessen-Zopp mat Languste-Schwänz

Dir braucht (fir 4 Persounen):

2 dl Sauerram
4 dl Geméisfong
20 g Botter
1 Tranche gereecherten, duerchwuessene Speck
1 mëttelgrouss Zwiwwel
50 g Gréngs vun der Porrett
200 g gefrueren Ierbessen
4 grouss Schwänz vun der Langust
2 Eeër
Mandelen a Panéiermiel fir d’Panad

Fir d’Ierbessen-Zopp
D’Geméis wäschen an a kleng Kübe schneiden.
Bei klenger Flam mat Botter ubroden.
Mam Geméisfong läschen an 10 Minutte brutschele loossen.
An där Zäit d’Sauerram mam Speck liicht opkachen.
D’Ierbessen an d‘Zopp derbäimaachen a weider 5 Minutte brutschele loossen
Mixen.
De Speck eraushuelen an d’Sauerram an d’Zopp schëdden.
Wierzen.

Fir d’Langusten
D’Langusten zerplécken.
E feine Schnëtt um Réck vum Languste-Schwanz maachen an den Daarm eraushuelen.
E puer zerdréckte Mandele mam Panéiermiel vermëschen an d’Languste panéieren (Miel, Eeër, Panéiermiel).
Mat engem Zännstëppeler oppicken.

Zum Schluss
D’Zopp opwiermen a mixen, fir se gutt ze lëften.
D’Schwänz vun de Languste frittéieren.
D’Zopp mat e bësse schaimeg geklappter Sauerram a mat de frittéierte Languste garnéieren.

Fajitas mat vegetareschem Gehacktes (z. B. Quorn)

Zutaten

10 Tortillaen
1,2 kg vegetarescht Gehacktes
100 g wäiss Ënnen
2 Zéiwe Knuewelek
300 g gekachte rout Bounen
400 g Tomatepüree
2 Zoppeläffelen Tomatekonzentrat
300 g Mais
300 g Paprika
200 g rout Ënnen
200 g gerappten Cheddar
2 Käpp Iceberg-Zalot

Zoubereedung
D’Kären aus der Paprika eraushuelen.
D’Paprika an d’rout Ënnen an dënn Scheiwe schneiden.
De Knuewelek zerdrécken an d’wäiss Ënnen a kleng Stécker schneiden.
D’vegetarescht Gehacktes op grousser Flam ubroden an d’wäiss Ënnen an de Knuewelek derbäimaachen.
Mat Chili, Kräizkümmel, Salz a Peffer wierzen.
Mam Tomatekonzentrat karamelliséieren.
Den Tomatepüree derbäimaachen a 15 Minutte brutschele loossen.
D’Paprika an d’rout Ënnen an enger separater Pan ubroden.
D’vegetarescht Gehacktes mam Cheddar mëschen.
D’Tortillae mat rouden Ënnen, Paprika a vegetareschem Gehacktes fëllen.
Am Bakpabeier waarm halen.

Fir d’Chilizooss

50 g Ënnen
1 Téiläffel Sambal Olek (déckflësseg indoneesesch Chilizooss)
5 g Zocker
50 g Tomatekonzentrat
500 g zerstoussen Tomaten

D’Ënne mat Zocker an enger Kasseroll op klenger Flam karamelliséieren.
Tomatekonzentrat derbäimaachen.
Zerstoussen Tomaten derbäimaachen.
Wierze mat Salz, Peffer a Léiffrabettstréi.
Akache loossen, bis et op d’Hallschent reduzéiert ass.

Fir den Avocadoschaum

2 zeideg Avocadoen
500 ml Sauerram
5 cl Zitrounejus
2 Blieder Gelatinn
Salz a Peffer

D’Avocadoen an zwee schneiden an de Kär eraushuelen.
D’Schuel mat Hëllef vun engem Zoppeläffel erofhuelen.
D’Fruuchtfleesch mam Mixer crèmeg mixen an duerno mat engem renge Sift passéieren.
Mat Salz a Peffer wierzen.
D’Gelatinn a kalem Waasser opweeche loossen, duerno ofdrëpsen a schmëlze loossen.
D’Gelatinn mat engem Drëttel vun der Mousse mëschen, duerno an de Rescht vun der Mass aschaffen.
D’Mass kann elo (evtl. mat Hëllef vun engem Desserts-Siphon) a kleng Schossele gefëllt ginn.

Spargelrisotto mat Crevetten

Dir braucht

300 g Räis (Carnaroli, Arborio oder Vialone)
5 cl Olivenueleg
50 g Ënnen
1 l hell Britt aus Spargelschuelen
Wäisse Wäin
300 g Crevetten oder Scampien
30 g gerappte Parmesan

Zoubereedung
D’Crevetten zerplécken a vun de Schwänz trennen.
D’Hallschent vum Olivenueleg opwiermen an doranner d’Schuele vun de Crevettë schaarf ubroden.
E bësse Britt derbäimaachen an 10 Minutte kache loossen.
D’Britt passéieren a se da weider kache loossen.
D’Ënnen an der anerer Hallschent vum Olivenueleg ubroden.
De Räis derbäimaachen a weider ubroden.
Mat Wäissem Wäin ofläschen a reduzéieren.
Enger Lusch waarm Britt derbäimaachen.
Lues goe loossen a kontinuéierlech réieren.
Allkéiers eng Lusch Britt derbäimaachen, soubal d’Flëssegkeet absorbéiert ass;
awer domat ophalen, soubal de Räis „al dente“ ass.
1 bis 2 Minutte roue loossen.
De Rescht vum Botter a klenge Stécker souwéi de gerappte Parmesan derbäimaachen.
De Botter an de Parmesan duuss ënnerhiewen, fir de Risotto, dee jo crèmeg soll ginn, ze bannen.