Kachkéiskrockette mat Trüffel an engem Pesto aus wëllem Knuewelek

Zoutaten fir d‘Krocketten

50 gr Botter
50 gr Miel
300 ml Mëllech
1-2 Téiläffel Tartufata (Trüffelcrème)
200 gr Kachkéis

Zoutaten fir d‘Panade

200 gr Miel
3 bis 4 Eewäiss
200 gr Panko (japanescht Panéiermiel), alternativ normaalt Panéiermiel

Zoutaten fir de Pesto

3 Botte frësche wëlle Knuewelek
50 gr Piniekären
50 gr haarde Kéis (Pecorino oder Parmesan)
1 dl gudden, kalgepressten Olivenueleg
1 Zéif Knuewelek
Salz, Peffer, Tabasco

Preparatioun vun der Kachkéisfëllung:

De Botter an enger Kasseroll schmëlzen. Wann de Botter geschmolt ass, 50 Gramm Miel derbäiginn a lues réischteren. Duerno mat der Mëllech opschëdden an dat Ganzt nach eng Kéier lues opkache loossen. Wann d‘Flëssegkeet waarm ass, ginn den Tartufata an de Kachkéis drënnergeréiert a mat Salz a Peffer gewierzt.

Déi ganz Mass an enger Schossel ofkille loossen.

Panéieren:

D‘Kachkéiss-Mass a 6 gläichméisseg grouss Portiounen opdeelen. All Krockett als éischt am Miel, duerno am Eegiel an als lescht an der Panade wenzelen.

Duerno am Frittendëppen oder enger Pan mat Ueleg frittéieren an op engem Stéck Kichepabeier ofdrëpse loossen.

Kachkéis-Chips (fir d‘Dekoratioun)

En Zoppeläffel Kachkéis op e Stéck Bakpabeier maachen. 1 Minutt an d‘Mikrowell.

Fir d‘Dekoratioun

Daikon Kress
Affila Kress
Réidercher
Lëtzebuerger Moschter
Rouseblieder
Kachkéis-Chips

Kachkéiskrockette mat Trüffel an engem Pesto aus wëllem Knuewelek

Leider hues du kee Premium Abonnement!

E Premium Abonnement huet vill Virdeeler!