Egal, wéi eng Museksrichtung een am léifsten huet: Zu Lëtzebuerg gëtt et eng beandrockend Villfalt vu Plazen, wou ee Live-Musek kann erliewen. Vun der legendärer Rockhal iwwer déi imposant Philharmonie bis hin zum CAPE – all Sall huet seng eegen Identitéit. Fir dir en Iwwerbléck ze ginn, hu mer eng Auswiel vun de wichtegste Concertssäll am Land zesummegestallt, jeeweils mat Informatiounen zu hirer Adress, hirem kulturelle Programm an hirer maximaler Capacitéit.

Fir grouss international Concerten ass Esch-Uelzecht mat der Rockhal an der Kulturfabrik déi optimal Adress. Wien et méi ofwiesslungsräich wëllt, dee kënnt an der Stad op seng Käschten. An der Philharmonie um Kierchbierg erwaarden een ënner anerem Klassik an Jazz, am Atelier zu Hollerech virun allem Rock an an der Luxexpo um Kierchbierg grouss Evenementer. Eng méi intim Ambiance bidden d’Abtei Neimënster am Gronn, d’Rotondes bei der Gare, de Gudde Wëllen an de Mirador am Zentrum oder och de Conservatoire um Belair.

Mee och ausserhalb vun der Haaptstad ass d’Musek doheem: zum Beispill am Trifolion zu Iechternach mat sengem ofwiesslungsräiche Programm, am Aale Stadhaus zu Déifferdeng, am Kulturzenter Opderschmelz zu Diddeleng, am CAPE zu Ettelbréck oder am Cube 521 zu Maarnech. U kulturelle Plazen, wou ee Musek ka live genéissen, feelt et zu Lëtzebuerg definitiv net.

Eng Iwwersiicht vum Carlos Entringer an dem Atelier Info-Média