Wou am Joer 1639 de Jean Baron de Beck, Gouverneur vun der Provënz Lëtzebuerg, d’Beeforter Schlass kaf huet, war et eng mëttelalterlech Buerg. De Jean de Beck hat déi néideg Mënz, fir nieft der Buerg e Renaissanceschlass bauen ze loossen. An dësem Schlass, wat haut nach steet, huet hien ni gelieft. De Jean de Beck ass nämlech knapp 10 Joer méi spéit, 1648, un de Blessuren aus der Schluecht am franséische Lens gestuerwen.