Gebroden Intebroscht an Zooss mat Kiischtegebeess

E Rezept aus dem Buch „Mat Léift virbereet“

Op dëser Plaz stellt d’Ekipp aus dem Restaurant La Grappe d’Or zu Iechternach eent vun hire Rezepter vir. Hei bereeden si hir gebroden Intebroscht mat Kiischtegebeess vir, eng Molzecht, déi gutt an dës Joreszäit passt. D’Originalrezept fënns du am Buch „Mat Léift zoubereet: 80 Rezepte mit Marmelade aus den Küchen der großen Chefs“, dat s du per E-Mail op moien@konterbont.app kanns bestellen. Dobäi ginn dës Rezepter net nëmme vun de grousse Kichecheffen zoubereet, mee och vun hiren Ekippen, an Zesummenaarbecht mat der ASBL Autisme Luxembourg, dem Editeur vun dësem Buch.

Wat ee brauch:

4 Intebroschtfilete vun 250-300 g
200 g Kiischtegebeess
30 cl Kallefsfong
10 cl roude Porto
4 bis 5 Szechuan-Pefferkären
Salz, Peffer

Wéi een et mécht:

Op der Hautsäit vun den Intebroschtfilete mam Messer e Kräizmuster ritzen, ouni an d’Fleesch ze schneiden.

Wierzen an op der Hautsäit als éischt ubroden. Wann d’Fileten op béide Säite gëllebrong sinn, op engem Grillrost op d’Säit stellen.

D’Pan entfetten an d’Gebeess mam Porto dra schmëlzen, reduzéieren a flambéieren, d’Kallefsbritt an d’Szechuan-Pefferkären derbäimaachen.

Jee no Geschmaach kanns de och Hunneg oder – wann et an d’Joreszäit passt – frësch Kiischten derbäimaachen.

D’Fileten 10 Minutten am Uewen erhëtzen (oder méi laang, jee no gewënschter Garzäit).

D’Fileten aus dem Uewen huelen, op engem Briet a Scheiwe schneiden, da mat enger Zooss uriichten.

Den Tipp vun der Kichenekipp: Bei dësem Rezept eegnen sech als Begleedung Zockerierbessen a Bounen esouwéi e Gromperegratin (ouni Eeër ass e méi liicht verdaulech).

Gebroden Intebroscht an Zooss mat Kiischtegebeess

E Rezept aus dem Buch „Mat Léift virbereet“

Leider hues du kee Premium Abonnement!

E Premium Abonnement huet vill Virdeeler!